Ataungo Udalak, 2022ko urriaren 5eko udalbatzan onartu zuen Zubikoetako industrialdean karabana eta autokarabanentzat egokitutako aparkalekua erabili ahal izateko behin betiko araudia. Udalak ohar batean zehaztutako informazioaren arabera, 2022ko urriaren 13an argitaratu zen erabaki hau Gipuzkoako Aldizkari Ofizialean eta hurrengo egunetik aurrera, indarrean jarri zen. Informazio guztia ataun.eus atarian argitaratu du udala.
Plazaren bat erreserbatu nahi izanez gero, 943180011 telefono zenbakira deituaz egin daiteke edo udala@ataun.eus helbide elektronikora idatzita. Abenduaren 31ra bitarte izango da lekua hartzeko aukera.
