Ostegun eta ostiralean herrian bertan sorturiko konpostaren banaketa egingo da San Martin eta San Gregorio auzoetan. San Martin auzokoa Altzanipeko konpost-gunean egingo dela zehaztu du udalak ohar baten bitartez, San Gregorioko auzokoa berriz plazan bertan egingo da. Zakuak eta poltsak norberak eramateko eskaria egin dute banaketa puntura.
Hauek dira San Martin auzoko auzo-konpostaren inguruko batzarrean aipatuko diren gaiak:
- Azken 2 urteetako bilketa datuak emango dituzte Sasietako eta Udaleko kideek
- Mantentze lanetan diharduten Udal langileen balorazioa jasoko da
- Erabiltzaileen proposamenak jasoko dira
- Datozen urteei begira Udalak zein helburu dituen azalduko da
- Izen emate berriak jasoko dira
San Gregorio auzoko auzo-konpostaren inguruko batzarrean aipatuko diren gaiak:
- Sasietako eta Udaleko kideek egingo dute banaketa, eta erabiltzaileen proposamenak jasoko dituzte
- Datozen urteei begira udalak zein helburu dituen azalduko da
- Izen emate berriak jasoko dira.
