Txiki-txikia zenetik izan du Gustuko Ilargi Arrizabalagak musika eta batez ere kantuan aritzea, baita oholtza bat zapaltzeko bokazioa bera ere. Joan zen urtean bere lehen diskoa grabatzen aritu zen eta aurreratutako informazioaren arabera udaberrian iritsiko da emaitza, bitartean itxaron egin beharko dugularik. Urtarrilean ‘Betirarte’ kantua zabaldu zuen lau haizetara eta gaitu nolanahi utzi gainera, bere kutsu berezia duela esan genezake eta goxotasun horrek zerbait berezia helarazi digu.
Bihar goizeko ‘Nahikoa da’ saioan Ioar Aizpuruak egingo dion elkarrizketan lan honen inguruko xehetasun gehiago jakiteko aukera izango dugu eta baita udaberrian iritsiko denaren inguruan ere. Uste duguna baino ibilbide luzeagoa du lezoarrak eta iritsiko den lana esku artean jasotzeko irrikan gaude gainera. Elkarrizketa zuzenean entzun ahal izateko, ataunirratia.eus atariko ‘Irratia > Zuzenean‘ orrialdetik egin beharko da eta hau behin amaituta eskuragarri egongo da ‘Nahibezala’ plataformako ‘Nahikoa da‘ saioaren atalean.
