2021arekin batera Arrosa Irrati Sareak 20 urte beteko ditu eta larunbat honetan Ataun Irratia tartean den familiaren inguruko xehetasun gehiago bertatik-bertara ezagutu nahi izan ditugu Gorka Santesteban kolaboratzailearen tartean. Horretarako Iraitz Gesalaga, Arrosa Irrati Sarearen egungo koordinatzailea izan dugu telefonoz bestalde.
Solasaldi dotorea izan dugu eta primizian emandako informaziorik ere erori da tartean, 20 urte betetzearekin batera topaketak egingo diren edo ez diren oraindik garbi ez badago ere. Ibilbide luze eta zabal honetan Arrosatik igarotako partaide guztiak gogoan izan ditu Gesalagak eta aurrerantzean ere gogor lanean jarraituko duten inolako zalantzarik ez da geratu.
