Bai irratiaren eta baita musikaren munduan ere esperientzia handiko aditua dugu Joseina Etxeberria, Euskal Herri osoan aski ezaguna dugun pertsonaietako bat ere badela esan beharrean gaude. Ataundarra da izatez, nahiz eta urte asko daramatzan jada Donostian bizitzen. Aste honetan gurekin solasalditxo bat izateko gonbidapena egin nahi izan diogu Ataun Irratiaren 8.urteurrena irratiko, eta batez ere guretzat herriko pertsonaia garrantzitsu batekin ospatzeko.
Irratian jada 30 urte baino gehiago daramatza Etxeberriak lanean, duela 31 urte sortu zen ‘Euskadi Gaztea’ eman zituelarik bere bizitzako pauso garrantzitsuenetako batzuk eta egun, ‘Euskadi Irratia’n topa genezake kantu kontari saioa gidatzen. Plazer handia izan da noski gaurko egun honetan bere bisita jasotzea eta datorren baterako gonbida ere luzatu diogu gure egoitza bisita dezan. Badakigu, gustu handiz hartuko duela gure gonbidapena… baita guk berea ere!
