Telebista kontuez hitz egin ahal izateko, ondo baino hobeto baliatu dugu gaurko honetan ere Ane Murua kolaboratzaile idiazabaldarrarekin ‘Nahikoa da’ saioan. James Kimberley Corden edo askok ezagunagoa izango duzuen moduan James Corden izan da asteburu honetako mintzagai Muruaren tartean. Aktore, abeslari, komediagile, gidoilari, produktore eta telebistako aurkezle da 42 urteko artista handi hau.
Zeresana utzi digu goiz honetan zehar, beste behin ere txundituta utzi gaituelako, Muruak kontatu dizkigun berriekin. Ez zinateke asteburu honetakoa entzun gabe ere geratu beharko, onenetan onena bilatu nahi baldin baduzu Ataun Irratiko saiorik arrakastatsuenean topatuko duzulako.
