Urtero legez, abenduaren 31n baliogabetuko dira 2023rako Gimnasioko eta Boulder gelako bazkidetza zutenen giltzen sarbidea. Udalak ohar batean zehaztutako informazioaren arabera, urtarriletik aurrera erabiltzen jarraitzeko kuotaren ordainketa bideratu beharko da. Ondoren, udaletxean aurkeztu beharko da ordainketa egin denaren agiria eta bertan aktibatuko da giltza. Kontu-zenbaki honetan egin behar da ordainketa: 2095 5026 87 1060153888
(Kutxabank). Hauek dira bakoitzaren prezioak eta aukerak:
Gimnasioa erabiltzeko 15€/urtea ordaindu beharko da pertsona bakoitzeko eta Boulder gela erabiltzeko berriz 20€/urtea. Txartel familiarra eskuratzeko aukera egongo da, urtea 110€ ordainduta (Boulder gela barne). Kontuan izan familia-bazkidetzaren onuradun izateko, etxebizitza berean erroldatuta egon behar dela, eta urte osoko bazkidetza egin beharko dela. Aurretiaz udalean erositako giltzarik ez baldin baduzu, 10€-ren truke eskuratu dezakezu berri bat. Hau itzultzean, bueltatu egingo da dirua.
